90 سالہ بھارتی خاتون نے 75 سال بعد مری کی سیر کرلی
مری(این این آئی)بھارت سے تعلق رکھنے والی 90 سالہ خاتون رینا چبر ورما نے 75 سال بعد دورہ پاکستان کے دوران
سیاحتی مقام مری کی سیر کرلی ہے۔رینا چبر ورما نے 15 یا 16 سال کی عمر میں تقسیم برصغیر کے وقت اپنا آبائی شہر راولپنڈی چھوڑا
اور خاندان کے ساتھ بھارت کے شہر پونا منتقل ہوگئی تھیں۔تقسیم برصغیر کے 75 سال بعد انہوں نے راولپنڈی میں موجود اپنے گھر کا دورہ کیا۔
بعد ازاں انہوں نے مری میں بھی دن گزارا۔مری پہنچنے پر رینا ورما کا سیاحوں سمیت مقامی لوگوں کی بڑی تعداد نے استقبال کیا
اور ان سے ان کی پرانی یادیں کے حوالے سے سوالات کیے جن کے جوابات دیتے ہوئے وینا شرما آبدیدہ ہوگئیں۔بھارتی خاتون
نے گفتگو کرتے ہوئے کہاکہ اس عمر میں میری آخری خواہش پاکستان کا دورا تھا جو آج پورا ہوگیا،
اب کوئی خواہش باقی نہیں،پاکستان کے عوام نے جو پیار دیا کبھی بھول نہیں سکتی۔ ایسے لگتا ہے جیسے میں اپنوں میں آگئی ہوں۔
