کراچی (آن لائن)غیر ملکی افراد کی جانب سے سندھ کے تعلیمی بورڈ سے تعلیمی سرٹیفکیٹ حاصل کرنے کا انکشاف۔تفصیلات کے مطابق غیر ملکی افراد کی جانب سے سندھ کے تعلیمی بورڈ سے تعلیمی سرٹیفکیٹ حاصل کرنے کا انکشاف ہوا ہے۔دستاویز کے مطابق کئی غیر ملکی افراد میرپور خاص تعلیمی بورڈ سے تعلیمی اسناد حاصل کر چکے ہیں،

کچھ غیر ملکی حالیہ امتحانات میں بھی شریک تھے۔دستاویز میں بتایا گیا ہے کہ حساس اداروں نے اطلاع ملنے پر میرپور خاص بورڈ میں کارروائی کی اور امتحانات میں شرکت کرنے والے غیر ملکی طلبہ کا ریکارڈ حاصل کر لیا۔دستاویز میں غیر ملکی طلبہ کے ضروری دستاویزات بھی دستیاب نہ ہونے کا انکشاف ہوا ہے۔بورڈ افسران نے ریکارڈ ٹھکانے لگانے کے لیے 3 بار آگ بھی لگوائی۔سیکریٹری بورڈ نے حکومتِ سندھ کو حساس اداروں کی کارروائی سے آگاہ کر دیا ہے۔دوسری جانب محکمہ بورڈز و جامعات کے حکام نے معاملے کی تصدیق کرتے ہوئے کہا ہے کہ معاملہ حساس ہے اس لیے احتیاط کے ساتھ تحقیقات کر رہے ہیں۔حکام کا کہنا ہے کہ واقعے میں ملوث افراد کے خلاف سخت کارروائی کی جائے گی۔دوسری جانب سندھ کے وزیر تعلیمی بورڈ اسماعیل راہو نے معاملے کا سخت نوٹس لیتے ہوئے سیکریٹر ی جامعات و بورڈ محمد مرید راہموں کو تحقیقات کا حکم دے دیا ہی. محمد اسماعیل راہو نے سیکریٹری تعلیمی بورڈ کو ہدایت کی کے معاملے کی تحقیقات کرکے ایک ہفتے میں رپورٹ دی جائے، غیر ملکی افراد کو میرپورخاص بورڈ میں امتحانات میں جس نے بھی بٹھایا ہے انکے خلاف سخت قانونی کارروائی کی جائے گی۔ اسماعیل راہو نے کہا کہ حقائق پر مبنی مفصل رپورٹ پیش کی جائی, ملوث افسران کے خلاف کارروائی کرکے ان کو معطل کیا جائے گا۔