سعودیہ میں گرمی کی شدید لہر کی پیش گوئی
ریاض(آئی این پی) سعودی عرب میں گرمی کی شدید لہر کی پیش گوئی کردی گئی۔
سعودی میڈیا رپورٹس کے مطابق موسمیات کے قومی مرکز نے خبردار کیا ہے کہ مشرقی ریجن میں پیر سے ہفتے تک سخت گرمی پڑے گی۔
شدید موسم کے نتیجے میں ریاض، قصیم اور حدود شمالیہ ریجن بھی متاثر ہوں گے جہاں گرمی کی شدید لہر کی بدھ سے شروع ہوگی اور وہاں درجہ حرارت 45 تا 47 سینٹی گریڈ کے درمیان رہے گا۔
موسمیات کے قومی مرکز نے امکان ظاہر کیا ہے کہ مدینہ منورہ اور ینبع میں درجہ حرارت سینتالیس سے پچاس سینٹی گریڈ کے درمیان ہوگا۔
اس دوران ان دونوں شہروں کے متعدد مقامات گرمی کی شدید لہر کے زیر اثر رہیں گے،قومی مرکز نے توجہ دلائی کہ مدینہ منورہ کی بیشتر کمشنریوں میں انتہائی درجہ حرارت سینتالیس تا پچاس سینٹی گریڈ تک جانے کا امکان ہے۔
