اسلام آباد(این این آئی) پی ڈی ایم کے ترجمان حافظ حمد اللہ نے کہا ہے کہ عمران نیازی نے ضمنی الیکشن کے انتخابی نتائج کو تسلیم کیا ہے، امید ہے وہ الیکشن کمیشن کے ممنوعہ فارن فنڈنگ کے فیصلے کو بھی قبول کریں گے، قومی اداروں پربیجاتنقید ،جھوٹے الزامات سے اب گریزکیا جائے،عمران نیازی کا دور گزرگیا، وہ کبھی بھی وزیراعظم نہیں بن سکیں گے، بد تمیزی،

بدکلامی جھوٹ اور فساد کی سیاست پی ٹی آئی کا ایجنڈا ہے، خامیوں اوربرائیوں کی حامل پارٹی کی جیت ملک وقوم کے مستقبل کیلئے نیک شگون نہیں۔ایک بیان میں ترجمان پی ڈی ایم اے حافظ حمد اللہ نے کہا کہ جن نشستوں پر (ن)لیگ کو شکست ہوئی ہے یہ 2018میں پی ٹی آئی جیتی تھی، اب ضمنی انتخابات میں پی ٹی آئی نے پی ٹی آئی کو ہرایا، سابق کو حالیہ کھلاڑیوں نے شکست دی، پی ٹی آئی نے 20نشستوں میں سے 5ہاریں توخوشی اور مبارکباد کس بات کی؟ ۔انہوں نے کہا کہ (ن)لیگ کی پنڈی نشست کی جیت پی ٹی آئی کی15جیتی ہوئی نشستوں پر بھاری ہے، الیکشن کمیشن کی غیر جانبداری سے عمران نیازی جھوٹے ثابت ہوگئے، دھاندلی کا شور شرابہ کرنے والوں کو اخلاقی شکست ہوئی، اب عمران نیازی کو چاہیے کہ قومی اداروں پربیجاتنقید اورجھوٹے الزامات سے گریزکریں۔ترجمان پی ڈی ایم نے کہا کہ عمران نیازی نے ضمنی الیکشن کے انتخابی نتائج کو تسلیم کیا ہے، امیدہے وہ الیکشن کمیشن کے ممنوعہ فارن فنڈنگ کے فیصلے کو بھی قبول کریں گے۔حافظ حمد اللہ نے کہا کہ عمران نیازی کا دور گزرگیا، وہ کبھی بھی وزیراعظم نہیں بن سکیں گے، بد تمیزی، بدکلامی جھوٹ اور فساد کی سیاست پی ٹی آئی کا ایجنڈا ہے، خامیوں اوربرائیوں کی حامل پارٹی کی جیت ملک وقوم کے مستقبل کیلئے نیک شگون نہیں۔