پشاور(این این آئی)پشاور ہائیکورٹ نے پبلک اکاونٹس کمیٹی کے مالم جبہ،بی آر ٹی،بلین ٹری سونامی اوربینک آف خیبر انکوائری کے خلاف کارروائی پر حکم امتناع جاری کردیاہے۔پشاورہائیکورٹ میں پبلک اکاونٹس کمیٹی کے مالم جبہ, بی آر ٹی, بلین ٹری سونامی, بینک آف خیبر انکوائری کے خلاف دائر درخواست پر سماعت ہوئی ،سماعت کے دوران محکموں کے سابق ڈائریکٹرزکے وکیل نے دلائل دیتے ہوئے کہاکہ پبلک اکائونٹس کمیٹی کے پاس انتظامی امورمیں مداخلت کے اختیار نہیں ہے،پبلک اکاونٹس کمیٹی کا مالم جبہ،بینک آف خیبر،بلین ٹری سونامی،بی آرٹی کی دوبارہ انکوائری کرنا غیر قانونی ہے ۔عدالت نے پبلک اکائونٹس کمیٹی کے مالم جبہ, بلین ٹری سونامی, بی آر ٹی اور بینک آف خیبر کیس دوبارہ شروع کرنے کے فیصلے پر حکم امتناعی جاری کردیا۔