میں پہلے دن سے ہی حکومت بنانے کے خلاف تھا، نواز شریف پھٹ پڑے
اسلام آباد(این این آئی) حکمران اتحاد کے بڑے رہنماؤں نواز شریف، آصف زرداری اور مولانا فضل الرحمان نے ٹیلی فونک گفتگو
کی جس کے دوران تینوں رہنماؤں نے پنجاب کے ضمنی انتخابات میں شکست کا جائزہ لیا۔گفتگو کے دوران پنجاب اور مرکز میں
آئندہ کی حکمت عملی پر بھی تبادلہ خیال کیا گیا۔بتایاگیاہے کہ تینوں نے موقف اختیار کیا کہ بڑھتی مہنگائی اور تیل کی قیمتوں
میں اضافے کی وجہ سے نتائج آئے۔ نجی ٹی وی کے مطابق رہنماؤں نے جلد عام انتخابات کروانے سے متعلق تجاویز پر غور کیا
اور طے کیا کہ اتحادیوں کی مشاورت سے تفصیلی لائحہ عمل اختیار کیا جائے۔پنجاب میں ضمنی الیکشن میں شکست کے بعد میاں نواز شریف نے کہا کہ میں پہلے دن سے ہی حکومت بنانے کے خلاف تھا۔
