پنجاب کے ضمنی الیکشن میں شکست کی وجوہات پر غور کیلئے لندن میں بھی ن لیگ کے قائد میاں محمد نواز شریف کی سربراہی میں اجلاس ہوا۔ اس اجلاس میں بھی ضمنی انتخابات میں ناکامی کی بڑی وجہ مہنگائی اور سخت فیصلوں کو قرار دیا گیا ہے۔ذرائع کے مطابق نواز شریف نے پارٹی رہنماؤں سے ضمنی انتخابات میں شکست پر مشاورت کی۔ اجلاس میں اسحاق ڈار ، محسن نواز رانجھا، انوشہ رحمان اور سعود مجید نے شرکت کی۔پاکستان سے بھی مسلم لیگ ن کی سینیئر قیادت نے نواز شریف سے رابطہ کیا۔ شرکا اس امر پر متفق تھے کہ ضمنی انتخابات میں ناکامی کی بڑی وجہ مہنگائی اور سخت فیصلے ہیں، ضمنی انتخابات میں پارٹی رہنماؤں کو نظرانداز کرنا بھی شکست کی وجہ قرار دیا گیا