جموں(این این آئی) غیر قانونی طور پر بھارت کے زیر قبضہ جموں و کشمیر میں آج ضلع ادھم پور میں بھارتی فوج کے ایک اہلکار نے خود کشی سے پہلے اپنے تین ساتھیوں کو گولی مار کر زخمی کردیا۔ کشمیر میڈیا سروس کے مطابق یہ واقعہ ضلع کے علاقے دیویکا گھاٹ میں پیش آیا۔ انڈو تبتین بارڈر پولیس (آئی ٹی بی پی)کے ایک سینئر افسر نے بتایا کہ کانسٹیبل بھوپیندر سنگھ نے اپنے ساتھیوں پر گولی چلائی جس کے نتیجے میں ایک ہیڈ کانسٹیبل اور دو کانسٹیبل زخمی ہوگئے۔انہوں نے کہا کہ زخمیوں کوہسپتال منتقل کردیاگیا ہے۔ انہوں نے بتایا کہ کانسٹیبل بھوپیندر سنگھ نے بعد میں خود کو گولی مار کر خودکشی کرلی۔افسرنے بتایا کہ واقعے کی کورٹ آف انکوائری کا حکم دے دیا گیا ہے۔