کراچی (این این آئی) ایم کیو ایم پاکستان میں فاروق ستار کی شمولیت کے فیصلے ساتھ کھڑے کارکنان نے شدید تحفظات کا اظہار کردیا ہے۔ذرائع کے مطابق فاروق ستار کے ساتھ کھڑے کارکنان آزاد امیدوار کے طور پر بلدیاتی الیکشن میں جائیںگے۔ بیشتر آزاد امیدواروں کو تالے اور سیڑھی کا نشان مل گئے ہیں۔کارکنان نے کہا کہ کل تک یہ ہی رابطہ کمیٹی بری تھی۔ آج اچھی کیسے ہوگئی؟ فاروق ستار نے ذمہ داران اور کارکنان کو ایم کیو ایم میں شمولیت کے فیصلہ پر اعتماد میں نہیں لیا۔ایم کیو ایم پاکستان میں فاروق ستار کی شمولیت کے فیصلہ پر بیشتر اراکین رابطہ کمیٹی کو بھی شدید تحفظات ہیں۔ ایم کیو ایم پاکستان میں کچھ لوگ کوشش کر رہے ہیں کہ فاروق ستار پارٹی میں شمولیت اختیار کریں۔

موضوعات:فاروق ستار