مکہ مکرمہ (این این آئی)سابق فاسٹ بولر شعیب اختر نے فریضہ حج کے دوران شیطان کو کنکریاں مارنے کی ویڈیو سوشل میڈیا پر شیئرکی ہے۔ویڈیو میں دیکھا جاسکتا ہے کہ احرام پہنے ہوئے شعیب اختر جمرہ کبریٰ (بڑے شیطان) کی رمی کررہے ہیں یعنی اسے کنکریاں مارہے ہیں۔شعیب اختر نے رمی کرتے ہوئے جمرہ کی جانب اشارہ کرتے ہوئے کہا کہ اس کو چھوڑنا نہیں۔ویڈیو کے کیپشن میں شعیب اختر نے لکھا کہ رفتارکی پیمائش تو نہیں کی تاہم غصہ ضرور 100 میل فی گھنٹہ تھا۔خیال رہے کہ شعیب اختر سعودی عرب کے سرکاری مہمان کی حیثیت سے فریضہ حج کی ادائیگی کیلئے مکہ میں موجود ہیں اور اس دوران ان کی جانب سے تصاویر اور ویڈیوز بھی شیئر کی جارہی ہیں۔