صارفین پر بجلی گرا دی گئی، نیپرا نے 7 روپے 90 پیسے فی یونٹ اضافے کی منظوری دیدی

اسلام آباد(آن لائن) نیپرا نے مئی کے ماہانہ فیول چارجز ایڈجسٹمنٹ کی مد میں 7 روپے 90 پیسے فی یونٹ اضافے کی منظوری دے دی۔

جاری اعلامیہ کے مطابق سی پی پی اے -جی نے 7 روپے 96 پیسے فی یونٹ اضافے کی درخواست کی تھی۔

اتھارٹی نے 27 جون 2022 کو ایف سی اے پر عوامی سماعت کی تھی۔ اعلامیہ کے مطابق اس سے قبل اپریل کا ایف سی اے

صارفین سے 3 روپے 99 پیسے چارج کیا گیا تھا، جو کہ صرف 1 ماہ کے لئے تھا، مئی کا ایف سی اے اپریل کی نسبت 3 روپے 91 پیسے

جولائی میں زیادہ چارج کیا جائے گا، نوٹیفیکیشن کے مطابق اس کا اطلاق صرف جولائی کے ماہ کے بلوں پر ہوگا۔

اطلاق ڈسکوز کے تمام صارفین ماسوائے لائف لائن صارفین پر ہوگا۔ فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔