ملتان (این این آئی)موٹر وے پولیس نے اوور اسپیڈنگ پر چالان کرنے کے بجائے معروف سرائیکی گلوکار سے گانا سن کر چھوڑ دیا۔موٹر وے پولیس نے سراج بھٹہ کو ملتان کے قریب تیز رفتاری پر روکا لیکن گانا سننے کے بعد معروف سرائیکی گلوکار کو چالان کیے بغیر ہی چھوڑ دیا۔معاملے کی ویڈیو سوشل میڈیا پر آنے کے بعد موٹر وے پولیس کا موقف بھی سامنے آیا ہے جس میں کہا گیا ہے کہ اس معاملے کی تحقیقات ہوں گی، اگر ڈیوٹی پر تعینات پولیس اہلکار غلطی کے مرتکب پائے گئے تو ان کے خلاف محکمہ جاتی کارروائی عمل میں لائی جائے گی۔