امرتسر (مانیٹرنگ ڈیسک)بھارتی پنجاب میں 300 یونٹ تک بجلی مفت دینے کا اعلان کر دیا گیا، وزیراعلیٰ پنجاب بھگونت مان کا کہنا تھا کہ حکومت ریاست کے لوگوں کو دی گئی ضمانت کو پورا کر رہی ہے کیونکہ آج سے ہر گھر کو ہر ماہ 300 یونٹ مفت بجلی ملے گی۔واضح رہے کہ عام آدمی پارٹی کی پنجاب حکومت نے یکم جولائی سے ہر گھر کو 300 یونٹ مفت بجلی دینے کا اعلان کیا تھا۔بھگونت مان کا کہنا تھا کہ ہماری حکومت نے پنجاب کی تاریخ میں ایک نئی مثال قائم کی ہے۔ آج سے پنجاب میں ہر خاندان کو ماہانہ 300 یونٹ مفت بجلی ملے گی۔