اسلام آباد (مانیٹرنگ ڈیسک/این این آئی)سابق وفاقی وزیر تعلیم و پی ٹی آئی پنجاب کے صدر شفقت محمود نے پارٹی عہدے سے استعفیٰ دیدیا۔تفصیلات کے مطابق تحریک انصاف پنجاب کے صدرشفقت محمودنے اپنی صحت کی وجہ سے عہدے سے استعفیٰ دیدیا۔ٹوئٹر پر جاری اپنے بیان میں شفقت محمودنے کہا کہ میرے لئے انتہائی فخر کی بات ہے کہ پارٹی چیئرمین عمران خان کی جانب سے موقع دئیے جانے پر میں نے تحریک انصاف پنجا ب کے عہدے پر فرائض سر انجام دئیے۔انہوں نے کہا کہ اپنی صحت کی وجہ سے اس عہدے پر مزید فرائض سر انجام نہیں دے سکتا۔انہوں نے کہا کہ میں نئے آنے والے صدر کیلئے دعا گوہوں اور پارٹی مجھے میری استعداد کے مطابق جو بھی ذمہ داری سونپے گی میں اسے پورا کروں گا۔