کراچی (این این آئی)وزیراعلی سندھ مراد علی شاہ نے وزرا اور افسران کا پیٹرول کوٹہ 40 فیصد کم کردیا۔ترجمان وزیراعلی سندھ کے مطابق وزیراعلی سندھ نے کہا ہے کہ پیٹرول کوٹہ کم کرنے سے خزانے پر بوجھ نہیں پڑے گا، بلکہ بوجھ کچھ کم ہوگا۔وزیراعلی سندھ نے کہا کہ پیٹرول کی بڑھتی قیمت کا بوجھ خزانے پر مزید نہیں پڑنا چاہیے۔انہوں نے کہا کہ خزانے پر بوجھ پڑنیکا مطلب عوام پر بوجھ بڑھانا ہے۔واضح رہے کہ گزشتہ شب حکومت نے پیٹرولیم مصنوعات کی قیمتوں میں مزید اضافہ کرکے پیٹرول، ڈیزل 30، 30 روپے لیٹر مہنگا کیا ہے۔