لاہور( این این آئی)پاکستان مسلم لیگ (ن)کی نائب صدر مریم نواز نے انٹرنیٹ صارف کی سفارش قبول کر کے سب کو حیران کر دیا ۔گزشتہ روز ایک ٹوئٹر اکائونٹ سے ٹوئٹ کیا گیا جس میں مریم نواز کو ٹیگ کرتے ہوئے فالو بیک کی سفارش کی گئی۔سابق وزیر اعظم نواز شریف کی ڈسپلے پکچر لگائے ہوئے اس اکائونٹ پر صارف کا لکھنا تھا میم مجھے فالو بیک کریں ورنہ میں اپنا اکائونٹ ڈیلیٹ کر دوں گا۔اس ٹوئٹ کو ری ٹوئٹ کرتے ہوئے ایک اور صارف نے مریم نواز کو ٹیگ کیا اور لکھا کہ میم لڑکا اکائونٹ کی بلی چڑھانے لگا ہے، فالو بیک کر دیں۔مریم نواز نے اس ٹوئٹ پر نا صرف توجہ دی بلکہ ری ٹوئٹ کرتے ہوئے لکھا کہ آپ کی سب سے بڑی سفارش ڈسپلے پکچر پر لگی محمد نواز شریف کی تصویر ہے۔