تل ابیب (این این آئی)ایرانی پاسداران انقلاب کے کرنل کے قتل کے پیچھے اسرائیل کا ہاتھ ہونے کے واقعے اور اس راز کے افشا ہونے کے نتیجے میں اسرائیل میں پھیلنے والی بے اطمینانی کی فضا کے بعد کاسرائیلی پارلیمنٹ کی خارجہ امور اور دفاعی کمیٹی کے
چیئرمین رام بن بارک نے زور دیا ہے کہ اس لیک سے امریکا کے ساتھ اعتماد کو نقصان پہنچ سکتا ہے۔امریکی اخبارکی ایک رپورٹ کے مطابق اسرائیل نے امریکی حکام کو ایرانی کرنل صیاد خدائی کے قتل کے بارے میں آگاہ کردیا ہے اور بہ انداز دیگراعتراف کیا کہ ایرانی کرنل کے قتل کے پیچھے اسی کا ہاتھ کارفرما تھا۔امریکی اخبارسے نام ظاہرنہ کرنے کی شرط پر بات کرنے والے ایک انٹیلی جنس عہدہ دار نے بتایاکہ اسرائیلی حکام نے امریکا کو آگاہ کیا ہے کہ اس کارروائی کا مقصدایران کو خبردارکرنا تھاکہ وہ سپاہ پاسدارن انقلاب کے تحت القدس فورس کے اندر ایک خفیہ گروپ یونٹ 840 کی سرگرمیاں معطل کردے۔ایک ریڈیو بیان میں انہوں نے امریکا سے مطالبہ کیا کہ وہ اس بات کی تحقیقات کرے کہ امریکی اخبار نے امریکی حکام سے کیا منسوب کیا، جنہوں نے ایران میں کرنل سید خدائی کے قتل میں تل ابیب کے ملوث ہونے کے بارے میں بات کی اور ایسے بیانات پر قابو پانے کی ضرورت پر زور دیا۔انہوں نے اس بات کی بھی تردید کی کہ امریکی رپورٹ میں اسرائیلی حکام کی جانب سے واشنگٹن کو مطلع کرنے کے بارے میں بتایا گیا کہ اس کارروائی کا مقصد تہران کو ایران سے باہر ٹارگٹ آپریشنز کے بارے میں خبردار کرنا تھا۔
