کراچی- عالمی اور ملکی مارکیٹوں میں سونے کی قیمتوں میں آج ایک بار پھر اضافہ دیکھا گیا ہے۔

بین الاقوامی مارکیٹ میں فی اونس سونا 27 ڈالر مہنگا ہوکر 4 ہزار 245 ڈالر تک پہنچ گیا، جس کے اثرات مقامی مارکیٹ پر بھی پڑے۔ پاکستان کی صرافہ مارکیٹوں میں 24 قیراط سونے کا فی تولہ نرخ پیر کے روز 2 ہزار 700 روپے اضافے کے بعد 4 لاکھ 46 ہزار 862 روپے تک جا پہنچا۔

اسی طرح فی 10 گرام سونے کی قیمت میں بھی 2 ہزار 315 روپے کا اضافہ ہوا، جس کے بعد نئی قیمت 3 لاکھ 82 ہزار 112 روپے مقرر کی گئی۔سونے کے ساتھ ساتھ چاندی کی قیمتوں میں بھی اضافہ ریکارڈ کیا گیا۔ ملک بھر میں فی تولہ چاندی 54 روپے مہنگی ہوکر 5 ہزار 963 روپے جبکہ فی 10 گرام چاندی 46 روپے اضافے کے بعد 5 ہزار 112 روپے کی سطح پر پہنچ گئی۔