لاہور (آن لائن) جماعت اسلامی سے ہجرت کر کے پاکستان تحریک انصاف میں شامل ہونے والے پی ٹی آئی کے دو رہنمائوں میاں محمود الرشید اور اعجاز چودھری کو گرفتار کرلیا گیا۔ دونوں رہنمائوں کی گرفتاری کے فوری بعد میاں محمودالرشید کے صاحبزادے نے اپنے ٹویٹ پر پارٹی قیادت کو اطلاع دی کہ ان کے والد اور دوسرے پارٹی رہنماء اعجاز چودھری کو میاں محمود الرشید کے بھائی کے گھر سے گرفتار کرلیا گیا ہے جبکہ لاہور سے تعلق رکھنے والے پی ٹی آئی کے بعض حلقوں کا کہنا ہے کہ اعجاز چودھری اور میاں محمود الرشید نے لانگ مارچ کی مشکلات سے بچنے کے لئے پولیس کو اپنی گرفتاریوں کے لئے خود دعوت دی تھی۔ پی ٹی آئی کے مذکورہ دونوں رہنمائوں کو 30 روز کے لئے نظر بند کردیا گیا ہے۔