اسلام آباد (این این آئی)ترجمان پی ڈی ایم حافظ حمداللہ نے ملتان جلسے میں عمران نیازی کے خطاب پر ردعمل کا اظہار کرتے ہوئے کہا ہے کہ عمران نیازی پاکستان کاسب سے بدتمیز بدزبان اوربدتہذیب پارٹی لیڈرہے۔ اپنے بیان میں انہوںنے کہاکہ پی ڈی ایم عمران نیازی

کی گندی سوچ،گندی زبان،اور گندی الفاظ کی شدید الفاظ میں مذمت کرتی ہے۔انہوںنے کہاکہ عمران نیازی کی اخلاق سے گری ہوئی گفتگو نے ہر پاکستانی کاسرشرم سے جھکادیا۔ انہوںے کہاکہ اخلاق سے گری ہوئی زبان ایک پلے بوائے کازبان توہوسکتاہے لیڈرکانہیں۔ انہوںنے کہاکہ گرے ہوئے شخص کی گری ہوئی زبان سے گرے ہوئے الفاظ ہی نکلتے ہیں۔ حافظ حمداللہ نے کہاکہ اخلاق سے گری ہوئی بازاری زبان کے استعمال نے عمران نیازی کا اصل چہرہ واضح کیا۔ انہوںنے کہاکہ عمران نیازی نسلی نہیں خان ہے بلکہ جعلی خان ہے، عمران نیازی کو مریم نواز اور ان کے خاندان معافی مانگنی چاہیے۔ ترجمان نے کہاکہ مغربی معاشرے سے واقف شخص عورت کے مقام سے ناواقف ہے، عمران نیازی پاکستان کے نوجوانوں کو کیا اخلاقیات سیکھا رہے ہیں۔ ترجمان پی ڈی ایم نے کہاکہ انتہائی گھٹیا بات کرنے والا شخص کس منہ سے ریاست مدینہ کی بات کرتا ہے ،ناجائز بیٹی نہ قبول کرنے اور پانچ بچوں کی ماں بھگانے والا کسی کی بہن بیٹی کو کیا عزت دے گا۔

موضوعات:حافظ حمداللہ