کولمبو(این این آئی)سری لنکا کے نئے وزیراعظم نے ملکی تاریخ کے بدترین معاشی بحران کے حل کے لیے قومی ایئرلائن کی نجکاری کا اعلان کیا ہے۔میڈیارپورٹس کے مطابق اقتصادی بحران کے حل کے لیے نئی حکومت متعدد اصلاحات کر رہی ہے۔ وزیراعظم رانیل وکرماسنگھے نے قوم سے خطاب میں کہا کہ وہ عوامی ریلیف کے لیے ایک خصوصی بجٹ پیش کرنے جا رہے ہیں۔ وزیراعظم نے بتایا کہ ملکی معاشی صورت حال اتنی خراب ہے کہ حکومت کو سرکاری ملازمین کو تنخواہیں دینے کے لیے نئے کرنسی نوٹ چھاپنے پڑ رہے ہیں۔ ملک میں سیاسی اور معاشی بحران کے تناظر میں صدر گوٹابایا راجاپاکسے نے وکراماسنگھے کو گزشتہ جمعرات کو وزیراعظم نامزد کیا تھا۔