اسلام آباد (این این آئی)تحریک انصاف نے لیفٹیننٹ کرنل (ر) عاصم کو عمران خان کا سکیورٹی انچارج تعینات کردیا۔نجی ٹی وی کے مطابق پاکستان تحریک انصاف کے ٹوئٹر اکاؤنٹ کے ذریعے پارٹی چیئرمین کے سکیورٹی انچارج کی تعیناتی کی اطلاع دی گئی ہے۔پی ٹی آئی کے مطابق عمران خان کے سکیورٹی انچارج لیفٹیننٹ کرنل (ر) عاصم سابق ایس ایس جی کمانڈو ہیں۔واضح رہے کہ عمران خان کی جانب سے جان کو خطرے کے بیان کے بعد حکومت نے اس حوالے سے جوڈیشل کمیشن بنانے کی بھی پیشکش کی ہے ، وزیراعظم نے گزشتہ روز ہی عمران خان کو چیف سکیورٹی آفیسر فراہم کرنے کی ہدایت کی تھی۔

موضوعات:،عمران خان