لاہور( این این آئی)پیپلز پارٹی کے سینئر رہنما اعتراز احسن نے کہا ہے کہ پیپلزپارٹی نے پاکستان مسلم لیگ (ن) سے پنجاب میں کوئی عہدہ نہیں مانگا ،وزیراعظم شہبازشریف کے لندن جانے پر دیگر اتحادیوں جماعتوں کو تحفظات ہیں۔ایک انٹر ویومیں انہوں نے کہا کہ وزیراعظم کوچاہیے تھا کہ لندن جانے سے قبل اتحادیوں کو اعتماد میں لیتے،وزیراعظم لندن میں سیمی کابینہ کے ساتھ فیصلے کررہے ہیں۔وزیراعظم لندن سے واپس آکر ہمیں فیصلوں سے متعلق آگاہ کردیں گے۔انہوںنے یہ نکتہ بھی اٹھایا کہ جب وزیر داخلہ اور وزیر قانون سمیت تمام وزراتیں (ن)لیگ کے پاس ہیں تو فیصلے بھی انہوں نے کرنے ہیں۔