اسلام آباد(آن لائن) ملک میں شدید گرمی کے ساتھ ساتھ مہنگائی میں بھی اضافہ ایک ہفتے میں آٹا، گوشت، گھی سمیت28 اشیا مزید مہنگی ہوگئی ہیں ادارہ شماریات کی جانب سے جاری اعداد وشمار کے مطابق ہفتہ وار بنیادوں پر مہنگائی کی شرح میں صفر اعشاریہ چار نو فیصد اضافہ ہوگیا۔ ایک ہفتے میں آٹا، گوشت، گھی سمیت اٹھائیس اشیا کی قیمتیں? مزید بڑھ گئیں۔ادارہ شماریات کے مطابق ایک ہفتے کے دوران 20 کلو آٹے کا تھیلا 403 روپے 85 پیسے مہنگا ہوا جس کے بعد اس کی قیمت تیرہ سو ستر روپے ہوگئی جبکہ ایک ہفتے میں زندہ مرغی 33 روپے 87 پیسے فی کلو مہنگی ہوئی انڈوں کی فی درجن قیمت میں 7 روپے 16 پیسے اضافہ ریکارڈ کیا گیا اعداد و شمار کے مطابق آلو 2 روپے 46 پیسے، پیاز 3 روپے 37 پیسے فی کلو مہنگے ہوئے اسی طرح ایک ہفتے میں دال مسور 10 روپے 80 پیسے اور دال چنا 3 روپے 80 پیسے فی کلو مہنگی ہوئی ہیں۔