لاہور(این این آئی)دو بڑی کمپنیوں نے اپنے دودھ کے ڈبے کے قیمتوں میں اضافہ کردیا جس کے بعد فی لیٹر پیک 10روپے مہنگا ہوجائے گا۔پاکستان کی مقامی کمپنی کے دودھ کی نئی قیمتوں کا اطلاق 20مئی جبکہ ملٹی نیشنل کمپنی کا دودھ 25مئی سے مہنگا ہوگا۔قیمت میں اضافے سے دونوں پراڈکٹس کے250ملی لیٹر پیک کی قیمت 5روپے کے اضافے سے50روپے ہوجائے گی جبکہ 1000ملی لیٹر کی قیمت170روپے سے بڑھ کر180روپے ہوجائے گی۔مذکورہ کمپنیوں کی جانب سے ڈسٹری بیوٹرز اور ہول سیلرز کو نئی قیمتوں کے بارے میں پیشگی طور پر آگاہ کردیا گیا ہے۔واضح رہے کہ مارکیٹ میں کھلا دودھ بھی130سے150روپے فی لیٹر فروخت ہورہا ہے جبکہ ٹیٹراملک پیک کی فی لیٹر قیمت بھی180روپے تک پہنچ جائے گی۔