لاہور (آن لائن) رواں کاروباری ہفتے کے چوتھے روز ڈالر کی انٹربینک قیمت اور خالص سونے کی قیمت میں مزید اضافہ کردیا گیا۔ جس کے نتیجے میں امریکی ڈالر کی انٹر بینک قیمت 1 روپیہ 73 پیسے اضافہ کے ساتھ 191 روپے 75 پیسے کی نئی بلند ترین سطح پر پہنچ گئی اس طرح شہر کی صرافہ مارکیٹوں اور بازاروں میں خاصل سونے کی قیمت میں 1400 روپے فی تولہ اضافہ کردیا گیا اور اسی اضافے کے ساتھ صرافہ مارکیٹوں میں 24 قیراط سونے کی قیمت ایک لاکھ 37 ہزار روپے اور 22 قیراط سونے کی قیمت 1 لاکھ 25 ہزار 587 روپے فی تولہ کی سطح پر پہنچ گئی۔