اسلام آباد (مانیٹرنگ ڈیسک) کرسچین برادری نے پاکستان تحریک انصاف کو جلسے کیلئے گرائونڈ دینے سے انکار کر دیا ۔ تفصیلات کے مطابق کرسچین کمیونٹی کا کہنا تھا کہ مذہبی عبادت گاہ کیلئے یہ گرائونڈ کسی صورت پی ٹی آئی کو جلسے کیلئے نہیں دے سکتے ۔ پی ٹی آئی نے سابق وزیراعظم عمران خان کا بروز ہفتہ شام 6بجے بارہ پتھر گراؤنڈ میں جلسہ عام کا اعلان کررکھا ہے کرسچین کمیوٹنی نے اے سی اورڈی سی کو درخواست دی ہے کہ ان کی اجازت کے بغیر تحریک انصاف ان کی عباد ت گاہ گراؤنڈ میں جلسہ کرنا چاہتی ہے تاہم کرسچین کمیونٹی نے کسی بھی طرح کی اجازت دینے سے انکار کر دیا ۔