جمعہ‬‮ ، 04 اپریل‬‮ 2025 

تحریک انصاف کا سندھ میں پیپلزپارٹی کو ٹف ٹائم دینے کا فیصلہ

datetime 2  مئی‬‮  2022
ہمارا واٹس ایپ چینل جوائن کریں

کراچی (این این آئی)پاکستان تحریک انصاف نے سندھ میں ہونیوالے بلدیاتی انتخابات میں پیپلزپارٹی کو ٹف ٹائم دینے پر اتفاق کرتے ہوئے ایک دوسرے کے مدمقابل امیدوار نہ لانے اور سندھ میں وسیع تر اتحاد قائم کرنے کا فیصلہ کیا ہے۔سندھ میں آئندہ ماہ ہونے والے بلدیاتی انتخابات میں پاکستان تحریک انصاف نے پیپلز پارٹی کو ٹف ٹائم دینے کی تیاری شروع کردی ہے۔

اس سلسلے میں تحریک انصاف نے سندھ میں پی پی مخالف گرینڈ الائنس بنانے کیلیے دیگر سیاسی جماعتوں کے علاوہ قوم پرست پارٹیوں سے بھی رابطے شروع کردیے ہیں ۔ معتمد ترین ذرائع کے مطابق پی پی مخالف ممکنہ اتحاد میں پی ٹی آئی کی پہلے سے اتحادی جماعت جی ڈی اے سمیت پیپلز پارٹی کی مخالف قوم پرست جماعتوں کو شامل کیا جائے گا جب کہ گرینڈ الائنس میں شمولیت کے لیے دینی اور مذہبی جماعتوں سے بھی رابطہ کیا جائیگا۔اس ضمن میں سندھ یونائٹیڈ پارٹی اور سندھ ترقی پسند پارٹی کے علاوہ دیگر قوم پرست جماعتوں سے ابتدائی رابطے کیے گئے ہیں اور بلدیاتی الائنس قائم کرنے کے لئے مختلف تجاویز پر تبادلہ خیال کیا گیا ہے۔ جی ڈی اے کے رہنما ڈاکٹر صفدر عباسی اس ضمن میں سندھ کے مختلف سیاسی دینی مذہبی اور قوم پرست پارٹیوں کی قیادت سے رابطے کررہے ہیں جن میں آئندہ چند روز میں اہم پیش رفت متوقع ہے۔ جی ڈی اے کے ذرائع کا کہنا ہے کہ بلدیاتی انتخابات کے لئے اضلاع کی سطح پر الائنس تشکیل دیے جارہے ہیں تاکہ پیپلزپارٹی کاون ٹو ون مقابلہ کیا جاسکے۔ واضح رہے کہ الیکشن کمیشن نے سندھ میں بلدیاتی انتخابات دو مرحلوں میں کرانے کا اعلان کیا ہے۔ شیڈول کے مطابق سندھ میں بلدیاتی انتخابات کے پہلے مرحلے میں سکھر، لاڑکانہ، شہید بینظیر آباد، میرپورخاص ڈویژن میں 26 جون کو اور دوسرے مرحلے میں کراچی، حیدرآباد اور ٹھٹھہ ڈویژن میں 24 جولائی کو انتخابات کرائے جائیں گے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…