نئی دہلی(این این آئی) جنرل منوج پانڈے نے جنرل ایم ایم نروانے کی میعاد مکمل ہونے پر بھارتی فوج کے 29ویں سربراہ کا عہدہ سنبھال لیا ۔کشمیر میڈیا سروس کے مطابق جنرل پانڈے فوج کے نائب سربراہ تھے اور انجینئرز کورکے پہلے افسر ہیں جو بھارتی فوج کی سربراہی کر رہے ہیں۔قبل ازیں وہ مشرقی فوجی کمان کے کمانڈر تھے اور چین، میانمار اور بنگلہ دیش کے ساتھ بھارت کی سرحدوں کی نگرانی کررہے تھے۔جنرل پانڈے نیشنل ڈیفنس اکیڈمی کے طالب علم رہے ہیں اور دسمبر 1982میں انجینئرز کورمیں کمیشن حاصل کیاہے ۔انہوں نے آپریشن پراکرم کے دوران جموں و کشمیر میں کنٹرول لائن پر پلن والا سیکٹر میں 117انجینئر رجمنٹ کی کمانڈ کی۔