اسلام آباد(این این آئی) پاکستان تحریک انصاف کے رہنما فیصل واوڈا نے کہا ہے کہ جس طرح مجھے نااہل کیاگیا ایسے ہی پی ٹی آئی کو کالعدم کرایا جائیگا۔ایک انٹرویومیں
فیصل واوڈا نے کہا کہ جو کیس میرے خلاف بنایا گیا تھا وہی پی ٹی آئی کیخلاف بنایاگیا ہے، جس طرح مجھے نااہل کیاگیا ایسے ہی پی ٹی آئی کو کالعدم کرایا جائیگا، حالانکہ سپریم کورٹ نے آرڈر دیا تھا کہ الیکشن کمیشن کورٹ آف لا نہیں ہے۔رہنما پی ٹی آئی نے الیکشن کمیشن پر تنقید کرتے ہوئے کہا کہ الیکشن کمیشن کے ایک ممبر کو سندھ حکومت نے نوکری دی ہوئی ہے اسی طرح دوسرے رکن کو ن لیگ کے دور میں نوکری سے نوازا گیا تھا۔انہوں نے الیکشن کمیشن سے استفسار کیا کہ حالیہ ہارس ٹریڈنگ پر الیکشن کمیشن نے کوئی نوٹس لیا؟ میرے پاس سینیٹ الیکشن میں ووٹ خریدنے کی فوٹیج ہے کیا آج تک اس پر کچھ ہوا؟انہوں نے کہ بتائیں کیسے پتہ چلا کہ الیکشن کمشنر کے اکاؤنٹس کی تحقیقات ہوئیں، آج ایک اور ثبوت سامنے آگیا کہ ن لیگ اور الیکشن کمشنر میں گٹھ جوڑہے۔
