اسلام آباد (آن لائن) ترجمان پی ڈی ایم حافظ حمداللہ نے کہا ہے کہ پرانی باتیں پرانی تقریر،عمران نیازی ابھی تک کنٹینر پرکھڑے لگ رہے تھے ، عمران نیازی کی تقریر جھوٹ،الزامات،پر مبنی آخری تقریر ہے۔ وزیر اعظم عمران خان کے خطاب پر ردعمل دیتے ہوئے ترجمان

حافظ حمد اللہ نے کہا نائن الیون کے بعد دہشتگردی کی جنگ میں تم نے مشرف کی حمایت کی تھی۔اس سے پہلے ریفرنڈم میں بھی تم نے مشرف کی حمایت کی۔اس جنگ میں 70 ہزار پاکستانیوں کی شہادت 150 ارب ڈالر کا نقصان اور افغانستان کی تباہی میں تم برابر کے شریک ہو۔حافظ حمد اللہ نے کہا عمران نیازی تم مولانافضل الرحمن کو مولانا کہو یا نہ کہو وہ مولانا ہیں، مولانافضل الرحمن عمران خان آپ کا سیاسی جنازہ اتوار کو پڑھائینگے، ترجمان پی ڈی ایم نے کہا عمران نیازی آپ کے سامنے 2 راستے ہیں۔اتوار کو عدم اعتماد ووٹ کا سامنا کرو یا استعفی دو تیسرا کوئی راستہ نہیں۔ساڑھے تین سال سے آپ کی صورت میں بیرونی قوتوں کا مہرہ ملک پر مسلط رہا۔ نائن الیون کے بعد سب سے پہلے دہشت گردی کی پالیسی پر مخالفت مولانا فضل الرحمن نے کی تھی، ترجمان پی ڈی ایم کا کہناتھا اقتدار بچانے کیلئے خط کو بنیاد بنا کر عمران نیازی نے قومی سلامتی کوداو پر لگا دیا ہے۔ کشمیر کا سودا ، آئی ایم ایف کو اسٹیٹ بنک گروی دینا اور سی پیک معطل کرنا امریکی غلامی نہیں۔یو این سیکورٹی کونسل میں بھارت کوووٹ دینا اور کلبھوشن کو این آر او دینا بیرونی قوتوں کی غلامی نہیں؟