اسلام آباد(مانیٹرنگ ڈیسک)سینئر صحافی حامد میر نے نجی ٹی وی جیو نیوز سے گفتگو کرتے ہوئے کہا ہے کہ سرپرائزز کاوقت شروع ہوا چاہتا ہے ، انہوں نے کہا کہ ابھی ایم کیو ایم نے متحدہ اپوزیشن کیساتھ چلنے کااعلان کیا ہے ، انہوں نے مزید انکشاف کیا کہ اب سے

کچھ دیر بعد ایک اورپریس کانفرنس ہونیوالی ہے جس میں وفاقی وزیر فواد چوہدری کے لئے بہت بڑا سرپرائز ہوگاجس میں انہیں پتہ چلے گا کہ ان کے اپنے خاندان کے لوگ بھی ان کیساتھ نہیں ہیں ،اس کے بعد اگلے 2،3دن میں ایک اور پریس کانفرنس ہوگی جس میں ملتان سے تعلق رکھنے والے وفاقی وزیر سے متعلق پتہ چلے گا کہ ان کے خاندان کے لوگ بھی ان کیساتھ نہیں ہیں ، اب یہ سرپرائز کا سلسلہ چلتا رہے گا،فواد چوہدری کے خاندان سے آنے والے ایم این اے سیاسی لحاظ سے بہت اہم ہیں ، اپوزیشن کی دو تین پارٹیاں ان سے رابطے میں تھیں ،انہوں نے مزید کہا کہ ن لیگ کی طرف بہت سے لوگ آرہے ہیں ،سپیکر قومی اسمبلی تحریک عدم اعتماد پر ووٹنگ کو طوالت دے رہے ہیں لیکن اس کا نقصان خود عمران خان کو ہی ہوگا، دوسری جانب آج صبح سے ہی کچھ لوگ ایمرجنسی کی بات کر رہے ہیں۔ اس بارے میں آئین بہت واضح ہے۔ ایمرجنسی کے اعلان کے لیے اسمبلی سے توثیق کی ضرورت ہے۔ امید ہے کہ عقل غالب آ سکتی ہے کیونکہ ایمرجنسی کی ضرورت نہیں ہے۔