اسلام آباد (مانیٹرنگ ڈیسک)27مارچ کے حکومتی جلسہ کے پیش نظر لوٹوں کی طلب میں اضافہ ہوگیا ہے۔روزنامہ جنگ میں عاطف شیرازی کی خبر کے مطابق ذرائع کا کہنا ہےکہ حکومتی اراکین نے لوٹوں کے بوروں کے بورے کی خریداری کے آرڈرز دے دیئے ہیں۔
پارلیمنٹ کے باہر تحریک انصاف کے کارکنان پارٹی پرچم کے علاوہ کثیر تعداد میں لوٹے اٹھا کر احتجاج کریں گے۔راجہ بازار کے دکانداروں نے بتایا کہ اتنی کثیر تعداد میں لوٹوں کی خریدای پہلے کبھی نہیں دیکھی گئی۔ شاید یہ خریداری 27مارچ کے لئے کی جارہی ہے۔ لوٹوں کے ایک خریدار نے بتایا کہ یہ لوٹوں کے بورے 27مارچ کےلئے خریدے جارہے ہیں۔
