اسلام آباد ( آن لائن ) وزیراعظم عمران خان نے کہا ہے کہ ملک کے بد معاش اور غدار جال میں پھنس رہے ہیں ۔وزیراعظم عمران خان نے سماجی رابطے کی ویب سائٹ ٹوئٹر پر صوفی بزرگ شمس تبریزی کا قول شیئر کرتے ہوئے اپنے حامیوں اور کارکنوں کو پیغام دیتے لکھا ’’ اگر کچھ لوگ تمہیں جال میں پھنسانا اور نقصان پہنچانا چاہتے ہیں تو اللہ بھی انہیں جال میں پھنسائے گا۔دوسروں کے کیلئے گڑھا کھودنے والے ہمیشہ اسی گڑھے میںگرتے ہیں ۔کوئی بھی غلط کام سزاء سے نہیں بچ سکتااور نہ ہی کوئی نیکی صلہ کے بغیر رہ سکتی ہے۔اس لئے انصاف پر یقین رکھو اور باقی اللہ پر چھوڑ دو‘‘۔