راولپنڈی(مانیٹرنگ ڈیسک /آن لائن )شیخ رشید احمد نے کہا ہے کہ یہ چھوٹے چور اچکے ، بھگوڑے وزیراعظم عمران خان کو شکست نہیں دے سکتے ، اگلے تین دن میں زیادہ خوشخبری سامنے آئیں گی ، شیخ رشید نے عمران خان کو وقت کا شیر شاہ سوری قرار دے دیا ۔

قبل ازیں وفاقی وزیر داخلہ شیخ رشید احمدنے کہا ہے کہ اپوزیشن میں ہمت ہے تو او آئی سی کانفرنس روک کردکھائیں۔ اپوزیشن رہنماؤں کی جانب سے پیر 21 مارچ کو قومی اسمبلی میں وزیراعظم عمران خان کے خلاف تحریک عدم اعتماد پیش نہ کیے جانے کی صورت میں او آئیسی اجلاس روکنے کی دھمکی پر ردعمل دیتے ہوئے ‘ شیخ رشید نے کہا کہ ہم شرافت سے نمٹیں گے یہ بچے ہیں، ہم انہیں پیار سے گھر بھیجیں گے۔انہوں نے کہا کہ پہلے ہی بندے ان لوگوں کو بے نقاب کردئیے۔شیخ رشید نے کہا کہ او آئی سی کے شرکا عظیم پاکستان کے مہمان ہیں عظیم فوج ان کی ضامن ہے، ’بطور وزیر داخلہ کہتاہوں اپوزیشن کے ساتھ وہ ہوگی جو یہ نسلوں تک یاد رکھیں گے۔ خیال رہے کہ 48ویں او آئی سی وزرائے خارجہ کانفرنس اسلام آباد میں 22 اور 23 مارچ کو شیڈول ہے اور اس کا انعقاد قومی اسمبلی میں ہونا ہے۔