لندن (این این آئی) برطانیہ میں سعودی حکام نے حج اور عمرہ زائرین کے لیے نئی اسمارٹ فون ایپ سعودی ویزا بائیو کا افتتاح کردیا، یہ ایپ زائرین کے لیے ویزا درخواست دینے کا عمل آسان بنائیگی۔
میڈیارپورٹس کے مطابق سعودی ویزا بائیو ایپ کی افتتاحی تقریب میں برطانیہ میں متعین سعودی عرب کے نائب سفیر حسن الجمیع اور سفارت خانے میں قونصلیٹ سیکشن کے سربراہ عمار العمار اور داخلہ، حج و عمرہ اور سیاحت کی وزارتوں کے متعدد عہدیدار موجود تھے۔سعودی بائیو ایپ کی بدولت برطانیہ سے حج وعمرہ زائرین موبائل کے ذریعے اپنے بائیو میڑک ڈیٹا کا اندراج کراسکیں گے، انہیں ویزا سینٹر نہیں جانا ہوگا۔اس ایپ سے پوری دنیا فائدہ اٹھا سکے گی۔ حج و عمرہ زائرین مشکلات سے بچ جائیں گے۔ یہ ایپ عصر حاضر کے ساتھ چلنے والے کے لیے بہترین ہے۔
