ننکانہ صاحب(این این آئی)سابق گورنر وفاقی وزیر امور کشمیر گلگت بلتستان چوہدری محمد برجیس طاہرایم این اے کا کہنا ہے کہ مہنگائی بے روزگاری اور غربت سے تنگ قوم کورواں ہفتے خوشخبری سنائیں گے عمران خان نے جو بویا وہی کاٹیں گے،گیڈر کی موت آتی ہے تو شہر کا رخ کرلیتا ہے،مسلم لیگ (ق) اور ایم کیو ایم سمیت قریبی ساتھی بھی ساتھ چھوڑ گئے ہیں
معیشت کا بیڑا غرق کرنے والے عمران خان کو آئی ایم ایف نے بھی جواب دے دیا ہے آئی ایم ایف نے کہا ہے کہ تم کون ہوتے ہو اپنی مرضی سے پٹرول کی قیمتیں کم کرکے انڈسٹریل پیکج دینے والے جو معاہدے کئے ہیں ان پر پورا اتریں ملکی معیشت اور سیاست پر جو کچھ حکومت نے کیا ہے بتانے کے قابل نہیں آرمی چیف سے آفیشل گفتگو کو پبلک کرنا اخلاقیات اور سیاست کا جنازہ نکالنے کے مترادف ہے آئین اور قانون کیمطابق لڑائی لڑینگے غیر آئینی طریقے سے ممبران کو روکنے کی کوشش کی گئی تو جواب ملے گااپوزیشن متحد ہو کر ملک کو گھمبیر مسائل سے باہر نکالے گی سسٹم اور جمہوریت کو ساتھ لے کر چلیں گے انتظامیہ اور آفیسران غیر آئینی کام پر عمل نہ کریں ہمارا مشن رول آف لاء ہے آئین کی بالادستی ہو گی توقانون کی عمل داری ہوگی وہ پارلیمینٹ ہاؤس سے مقامی صحافیوں سے فون پر گفتگو کررہے تھے چوہدری محمد برجیس طاہر ایم این اے کا مزید کہناتھا کہ ملکی تاریخ میں آج تک ایسا نہیں ہوا کہ آن گوئنگ منصوبوں کو روکاجائے گھٹیا حکومت نے میرے حلقہ کے جاری منصوبے انٹر چینج روڈ،فلائی اوراور کینال روڈ ریڑھ کی ہڈی کے تین منصوبے روکے جانے سے میراحلقہ50 سال پیچھے چلا گیا انشااللہ عوامی خوابوں کی تعبیر ہونے جا رہی ہے میاں نوازشریف کی آمد کے حوالے سے انہوں نے کہا کہ ہم نواز شریف کی صحت پر سیاست نہیں کرنا چاہتے وہ جلد پہنچ جائیں گے۔
