لاہور( این این آئی)لاہور ہائیکورٹ نے پھانسی کے مجرم کو بری کرنے کا حکم دے دیا۔ ٹرائل کورٹ نے مجرم محمد ندیم کو شاہد ندیم نامی شخص کے قتل میں سزائے موت سنائی ۔ملزم کے وکیل نے عدالت میں موقف اپنایا کہ زخمیوں اور مقتول کی میڈیکل شہادتوں میں واضح تضادات پائے گئے۔ایک زخمی سے متعلق شہادت آئی کہ اس نے خود کو زخمی کیا۔وکیل کے مطابق گواہوں کے بیانات بھی ٹرائل کورٹ کے فیصلے کو تقویت نہیں دیتے۔ہائیکورٹ نے ٹرائل کورٹ کا فیصلہ کالعدم قرار دیتے ہوئے مجرم کو بری کرنے کا حکم دے دیا۔