لاہور(این این آئی) وزیراعظم عمران خان کے استعفے کے مطالبے کی قرارداد پنجاب اسمبلی میں جمع کروادی گئی ۔مسلم لیگ(ن)کی رکن سمیرا کومل کی جانب سے جمع کرائی گئیقرارداد کے متن میں کہاگیاہے کہ یہ ایوان وزیراعظم کی جانب سے تین بڑی سیاسی جماعتوں کے لیڈران کے متعلق بیہودہ الفاظ کے استعمال کی شدید مذمت کرتا ہے۔وزیراعظم کے عہدے پر براجمان شخص کو ایسے الفاظ ہرگز زیب نہیں دیتے،عمران خان وزیراعظم کے عہدے پر مزید رہنے کا اخلاقی جواز کھوچکے ہیں۔ عمران خان وزارت عظمی کے عہدے سے فوری مستعفی ہوں۔