اسلام آباد (این این آئی)حکومت کی اتحادی جماعت بلوچستان عوامی پارٹی (بی اے پی) نے وزیر اعظم عمران خان سے ملاقات کرنے سے معذرت کرلی۔نجی ٹی وی کے مطابق ذرائع نے بتایاکہ وزیر اعظم نے رات بی اے پی ارکان کو ملاقات کیلئے بلایا تھا تاہم بی اے پی ارکان نے پارلیمانی لیڈر خالد مگسی کی عدم موجودگی پر ملاقات سے معذرت کی۔ذرائع کا کہنا ہے کہ بی اے پی ارکان نے جواب دیا کہ کچھ ارکان اسلام آباد میں نہیں، واپسی پرملاقات ہوگی۔ذرائع کے مطابق بلوچستان عوامی پارٹی سیاسی صورتحال پرمشاورت کے بعدلائحہ عمل طے کرے گی۔