اسلام آباد(این این آئی)اپوزیشن نے وزیراعظم عمران خان کے خلاف تحریک عدم اعتماد کے لیے حکمران جماعت کے 24 ارکان کی حمایت کا دعویٰ کردیا۔میڈیا رپورٹ کے مطابق قومی اسمبلی میں تحریک انصاف اور اتحادیوں کی تعداد 179ہے اور اپوزیشن کو 162 ارکان کا ساتھ حاصل ہے۔نمبر گیم میں حکومت کو 17 ووٹوں کی برتری حاصل ہے تاہم اپوزیشن نے دعویٰ کیاکہ

مسلم لیگ ن کو 16، پیپلز پارٹی کو 6 اور جے یو آئی کو 2 حکومتی ارکان نے ہاں کہہ دی ہے۔ اپوزیشن کی جانب سے حکومتی اتحادی جماعتوں مسلم لیگ ق، ایم کیو ایم اور بلوچستان عوامی پارٹی سے بھی رابطے کیے جارہے ہیں۔ان تینوں جماعتوں کے کل 17 ارکان ایوان میں موجود ہیں اور اگر صرف ان تینوں جماعتوں کا ساتھ مل گیا تو اپوزیشن کو ایوان میں سادہ اکثریت مل جائیگی۔