لاہور(این این آئی) مسلم لیگ (ن) کے صدر شہباز شریف نے حمزہ شہباز کو پنجاب میں ان ہاؤس تبدیلی کا گرین سگنل دیدیا۔نجی ٹی وی کے مطابق شہباز شریف نے حمزہ شہباز
کو وزیراعلی کے خلاف عدم اعتماد کی تحریک پیش کرنے کی تیاریاں مکمل کرنے کی ہدایت کر دی۔ وفاق کے بعد پنجاب میں فوری طور پر عدم اعتماد کی موشن متوقع ہے۔تاہم اپوزیشن لیڈر حمزہ شہباز نے تحریک پیش کرنے کی تیاریوں کا آغاز کر دیا ہے، انہوں نے پنجاب کی پارلیمانی پارٹی کے اہم رہنماں کو عدم اعتماد کی موشن پر ارکان کے دستخط لینے کی ہدایت دے دی ہے انہوں نے رہنماؤں کو تحریک عدم اعتماد کے مسودہ پر اہم نکات بھی لکھوا دیئے ہیں۔ذرائع کا کہنا ہے (ن) لیگ کی جانب سے قانون سازی پر بنائی گئی کمیٹی کو مسودہ تیار کرنے کی ہدایت کی گئی ہے، قانونی کمیٹی مسودہ کو حتمی شکل دیکر حمزہ شہباز سے منظوری لے گی، پنجاب میں حکومت سازی کے لیے اپوزیشن 186 ارکان کی حمایت درکار ہے۔
