اسلام آباد (این این آئی)وفاقی دارالحکومت اسلام آباد کے تھانہ آبپارہ کے علاقے جی سکس میں فائرنگ کے واقعے میں 4 افراد قتل کر دیے گئے، ملزم بھی ایک شخص کی فائرنگ سے زخمی ہو گیا۔
پولیس کے مطابق ملزم رحیم نے اپنی نرس بیوی اور عملے کے ایک فرد پر فائرنگ کی جس سے دونوں کی موت واقع ہو گئی، جس کے بعد ملزم نے گھر جا کر اپنے سسر اور سالے کو بھی فائرنگ کر کے قتل کر دیا۔پولیس کے مطابق مرنے والے افراد کی شناخت شعیب عزیز، راحیلہ بانو، عزیز الرحمٰن اور نعیم اختر کے نام سے ہوئی ہے۔پولیس نے بتایا ہے کہ فائرنگ کے دوران ایک محلے دار نے ملزم پر بھی فائر کر دیا جس سے وہ زخمی ہو گیا۔پولیس نے فائرنگ کرنے والے دونوں افراد کو آلہ قتل سمیت گرفتار کر لیا ہے۔اسلام آباد پولیس کے مطابق واقعہ گھریلو ناچاقی کی وجہ سے پیش آیا ہے، چاروں مقتولوں کی لاشیں اسپتال منتقل کر دی گئی ہیں۔
