اسلام آباد( آن لائن ) وزیراعظم عمران خان نے احساس راشن رعایت پروگرام کا اجرا کردیا۔ وزیراعظم کا کہنا ہے کہ پاکستان میں پیٹرول اور ڈیزل دبئی سے بھی سستا ہے جبکہ ٹیکس آمدن میں اضافے کی وجہ سے پیٹرول کی قیمت کم کی۔ اسلام آباد میں احساس پروگرام کے 3 سال مکمل ہونے پر تقریب سے خطاب کرتے ہوئے وزیراعظم نے کہا کہ احساس پروگرام مدینہ کی ریاست کی جانب ایک قدم ہے۔

احساس پروگرام صرف وہ لاسکتاہے جسے انسانیت کادردہو۔اللہ تعالیٰ کویہ چیزپسند ہے کہ انسان انسانیت کیلئے کیاکرتاہے۔ریاست مدینہ میں پیسہ نچلے طبقے پرخرچ کیاجاتاتھا۔محروم طبقوں کی بہبودریاست کی ذمہ داری ہے۔ مدینہ کی ریاست میں قانون کی بالادستی،مافیا کے خلاف جنگ اور عوام کو فلا ح پہنچانا ہے۔قانون کی بالادستی قائم کرنابہت بڑاچیلنج ہے۔جیسے جیسے ٹیکس دیتے جائیں گے ،ملکی ضروریات پوری ہوں گی۔ہیلتھ کارڈ ہر خاندان کو فراہم کیاجائے گا۔وزیراعظم عمران خان نے کہا کہ ٹیکس آمدن میں اضافے کی وجہ سے پیٹرول کی قیمت کم کی،دنیا بھرمیں مہنگائی کی لہر آئی لیکن پاکستان میں پیٹرول اور ڈیزل دبئی سے بھی سستا ہے۔عمران خان نے کہا کہ احساس پروگرام کے تحت 98 فیصد پیسہ عورتوں کے ہاتھ میں دیا جاتا ہے تاکہ عورتیں بچوں کی تعلیم سمیت دیگر معاملات کو چلا سکے،احساس پروگرام سے خواتین کو بااختیار بنانا ہے، جب تک خواتین تعلیم یافتہ نہیں ہوں گی ملک آگے نہیں بڑھ سکتا۔عمران خان نے کہا کہ ورلڈ بینک نے تسلیم کیا کہ پاکستان کا احساس پروگرام دنیا کا بہترین منصوبہ ہے۔ رواں ماہ کے آخر تک سندھ کے علاوہ ہر خاندان کو ہیلتھ کارڈ دیا جائے گا، جس کے ذریعے 10 لاکھ روپے تک کا مفت علاج کروایا جاسکے گا۔احساس رعایت راشن اسکیم کے تحت 2 کروڑ خاندانوں کو 30فیصد ماہانہ رعایت دی جائے گی ۔ احساس پروگرام سے خواتین کو بااختیار بنانا ہے۔انہوں نے کہا ہے کہ ثانیہ نشتر کو احساس پروگرام پر خراج تحسین پیش کرتاہوں۔احساس پروگرام کے تحت مختلف منصوبوں پر کام کرنا آسان نہیں تھا۔ثانیہ نشتر اور ان کی ٹیم نے دن رات محنت سے احساس پروگرام پر کام کی۔