اسلام آباد (مانیٹرنگ ڈیسک) تحریک عدم اعتماد کی کامیابی کی صورت میں مولانا فضل الرحمان نے اپنے بیٹے اور مولانا عبدالغفور حیدری کیلئے کیا مانگا، اس حوالے سے معروف صحافی رانا عظیم کا کہنا تھا کہ اپوزیشن کا فارمولا طے ہوا ہے فائنل نہیں ہوا، مولانا فضل الرحمان اپنے بیٹے کے لئے سپیکر شپ چاہ رہے ہیں اور ساتھ ہی انہوں نے کہا ہے کہ جیسے ہی ہم عدم اعتماد لائیں گے اس کے فوری بعد سینٹ میں جائیں گے اور سینٹ میں عبدالغفور حیدری صاحب کو چیئرمین بنایا جائے۔ ذرائع کہتے ہیں کہ یہ بات مولانا صاحب کی طرف سے جا چکی ہے، انہوں نے کہاکہ وزیراعظم آپ کا، ڈپٹی سپیکر آپ کا، وفاق میں جو وزارتیں بنیں گے وہ اتحادیوں کو دیں گے لیکن ہمیں یہ دو عہدے لازمی دیں گے۔

موضوعات:مولانا فضل الرحمان