نارووال(این این آئی) گردوارہ دربار صاحب ایک اور بچھڑے خاندان کی ملاقات کا سبب بن گیا۔نجی ٹی وی کے مطابق کرتارپور راہداری برصغیر کی تقسیم کے وقت بچھڑنے والے خاندانوں کو ملانے کا ذریعہ بنتا جارہا ہے۔ ظفروال کیرہائشی خاتون باوی دیوی کی گردوارہ دربار صاحب کرتارپور میں اکاون سال بعد اپنی نند اوربھاوج سے یادگار ملاقات ہوئی، جہاں بچھڑے خاندان ایسے ملے کہ وہاں موجود دیگر افراد بھی اپنے آنسو نہ تھام سکے۔مذکورہ ہندو خاندان 1971ء میں ہجرت کرگیا تھا، آج کل وہ گاؤں جنڈی ضلع گورداسپور انڈیا میں رہائش پذیر ہیں۔بچھڑے خاندانوں کے ملنے پر کرتارپور انتظامیہ نے خوشی کے موقع پر مٹھائی تقسیم کی، اس موقع پر بچھڑے ہوئے خاندان نے کرتارپور گردوارہ کے مختلف حصوں کا دورہ بھی کیا۔