اسلام آباد (این این آئی) حکومت نے عورت مارچ اور پیپلز پارٹی کے لانگ مارچ کو مکمل سکیورٹی دینے کا فیصلہ کیا ہے۔ جمعرات کو وفاقی وزیر داخلہ شیخ رشید احمد کی زیر صدارت وزارت داخلہ میں اہم اجلاس جس میں سیکرٹری داخلہ،کمشنر اسلام آباد، ڈی سی اور آئی جی اسلام آباد نے شرکت کی۔ ذرائع کے مطابق اجلاس میں پیپلزپارٹی کے لانگ مارچ اور عورت مارچ کے حوالے سے سیکیورٹی انتظامات پر تبادلہ خیال کیا گیا۔ ذرائع کے مطابق اجلاس میں پیپلزپارٹی کے لانگ مارچ میں رکاوٹیں نہ کھڑی کرنے کا فیصلہ کیا گیا۔ ذرائع نے بتایاکہ عورت مارچ اور پیپلزپارٹی کے لانگ مارچ کومکمل سیکیورٹی دینے کا فیصلہ کیا گیا۔