نئی دہلی (آن لائن )بھارت کی سات ریاستوں میں 14 خواتین سے شادی کرنے والے ایک شہری کو اوڈیشہ میں گرفتار کیا گیا ہے۔بھارتی ٹی وی چینل این ڈی ٹی وی کے مطابق بھارتی ریاست اوڈیشہ کے دارالحکومت بھونیشور سے تعلق رکھنے والے شخص نے گزشتہ 38 برس کے دوران 14 شادیاں کیں۔60 برس سے زائد عمر کے ملزم پر الزام ہے کہ وہ بیویوں کو چھوڑنے سے
قبل ان سے رقم لے کر بھاگ جاتا تھا تاہم ملزم خود پر لگائے گئے الزامات سے انکاری ہے۔اوڈیشہ میں بھونیشور کے پولیس ڈپٹی کمشنر اْما شنکر داش نے بتایا کہ یہ شخص خود کو ڈاکٹر متعارف کراتا اور اعلیٰ تعلیم یافتہ خواتین سے شادی کرتا تھا۔ متاثرہ خواتین میں پیرا ملٹری فورس میں کام کرنے والی ایک خاتون بھی شامل ہے۔گزشتہ روز گرفتار کیے گئے ملزم نے پہلی شادی 1982ئ میں کی تھی جبکہ 2002ئ میں دوسری شادی کی۔ پولیس کا کہنا ہے کہ ان دونوں شادیوں سے ملزم کے پانچ بچے ہیں۔پولیس ڈپٹی کمشنر اْما شنکر داش کا کہنا ہے کہ 2002ئ اور 2020ئ کے درمیان اس ملزم نے دیگر خواتین سے رشتوں کی ویب سائٹس کے ذریعے دوستی کی اور دیگر بیویوں کے بارے میں بتائے بغیر اْن سے شادیاں کیں۔ملزم اپنی ا?خری بیوی کے ساتھ بھونیشور میں رہ رہا تھا جو دہلی کے ایک اسکول میں پڑھاتی ہیں۔ ملزم کی دیگر شادیوں کے بارے میں معلوم ہونے پر ا?خری بیوی نے پولیس کو شکایت درج کرائی تھی۔ ملزم کو کرائے کے مکان سے گرفتار کیا گیا۔پولیس ڈپٹی کمشنر اْما شنکر داش کا کہنا ہے کہ ملزم کا طریقہئ واردات یہ تھا کہ وہ درمیانی عمر کی خواتین سے شادی کرتا جن میں سے زیادہ تر طلاق یافتہ ہوتیں۔ یہ وہ خواتین تھیں جو دوبارہ شادی کرنا چاہ رہی تھیں اور ان کو چھوڑنے سے پہلے وہ ان سے رقم اینٹھ لیتا تھا۔این ڈی ٹی وی کے مطابق ملزم نے دہلی، پنجاب، ا?سام، جھاڑکھنڈ اور اوڈیشہ سمیت سات ریاستوں میں خواتین کو دھوکا دیا جبکہ ملزم کی پہلی دو بیویوں کا تعلق اوڈیشہ سے ہے۔
