مری (این این آئی)پاکستان مسلم لیگ (ن) کے سینئر نائب صدر اور سابق وزیراعظم شاہد خاقان عباسی نے کہا ہے کہ حکومتی نااہلی کا خمیازہ مری کے عوام بھگت رہے ہیں،مری میں کرفیو کا سماں جان بوجھ کر پیدا کیا گیا، چند افراد کی سزا اہل مری کو دی جارہی ہے۔میڈیا سے گفتگو
کرتے ہوئے شاہد خاقان عباسی نے کہا کہ مری میں کرفیو کا سماں جان بوجھ کر پیدا کیا گیا، چند افراد کی سزا اہل مری کو دی جارہی ہے۔انہوں نے کہا کہ مری کے لوگوں نے ہی برف باری میں ریسکیو آپریشن کیا، حکومتی نااہلی کا خمیازہ مری کے عوام بھگت رہے ہیں۔سابق وزیراعظم نے کہا کہ پنجاب میں بیوروکریسی کی تبدیلیاں پیسوں سے کی جاتی ہیں۔انہوںنے کہاکہ حکومت پنجاب میں کرپشن کا طوفان ہے کوئی کام پیسوں کے بغیر نہیں ہوتا۔انہوںنے کہاکہ 3 سال میں مری کے 6 افسران تبدیل ہوئے ۔سابق وزیراعظم نے کہا کہ مری میں پابندی لگا کر تشہر کی گئی اور سیاحوں میں خوف پیدا کیا گیا، چند افراد کی سزا اہلیان مری کو دی جا رہی ہے، اصل حقائق اور چند افراد کی کرپشن چھپانے کے لیے تمام فیصلے جلد بازی میں کئے جا رہے ہیں ،حکومت پہلے مری کو تحصیل کی سہولیات تو ضلعی کی بات بعد میں کرے۔شاہد خاقان عباسی نے کہا کہ 8 ہزار گاڑیوں کی گرہ لگانا حکومتی نا اہلی کا منہ بولتا ثبوت ہے، مری کو مکمل طور پر کھولا جائے ، حکومت خود اس کے کھلنے کی تشہیر کرے کیونکہ یہ بین الاقوامی سیاحتی ہل سٹیشن ہے۔
