اسلام آباد (مانیٹرنگ ڈیسک)وزارت قانون و انصاف نے جسٹس عمر عطا بندیال کی بطور چیف جسٹس آف پاکستان تعیناتی کا نوٹیفکیشن جاری کر دیا ہے، اس نوٹیفکیشن کے
مطابق جسٹس عمر عطا بندیال سپریم کورٹ کے سینئر ترین جج ہیں، جسٹس عمر عطا بندیال 2 فروری کو عہدے کا چارج سنبھالیں گے۔وزارت قانون و انصاف نے صدر مملکت عارف علوی کی منظوری کے بعد نوٹیفکیشن جاری کر دیا ہے۔واضح رہے کہ 13 جنوری کو صدر مملکت عارف علوی نے جسٹس عمر عطا بندیال کی بطور چیف جسٹس آف پاکستان تعیناتی کی تھی، ان کی کی تعیناتی 2 فروری 2022 سے مؤثر ہوگی،چیف جسٹس آف پاکستان، جسٹس گلزار احمد یکم فروری 2022 کو ریٹائر ہوجائیں گے،جسٹس عمر عطا بندیال سپریم کورٹ کے سینئر ترین جج ہیں،صدر مملکت عارف علوی نے تعیناتی آئین کے آرٹیکل 175 اے کے تحت کی تھی۔
